Posted by: Mermaid | أكتوبر 29, 2009

فضفضة بعد طول غياب ..

بقالي كتير مكتبتش …وحشتني الكتابة

مفيش فكرة معينة عايزة اكتب عنها اكتر من إني عايزة أطلع اللي حوايا في صورة كلمات …

جات عليه فنرة في الأيام اللي فاتت كنت باتخيل اني باكلم أِشخاص أو أشياء في سري …

يعني مثلا…

كنت بأقول للطفل الرضيع: من حكمة ربنا أنه خلقك ضعيف و لا حيلة لك و لا قوة عشان تلاقي رحمة و عطف من اللي حواليك، عشان يزرع أول بذرة حب في قلب أمك و أبوك ، ضعفك يخليهم يحموك بعنيهم …كل ما الإنسان يحس إن اللي قدامه محتاج له أكتر و بقاءه متعلق بيه اكتر ، كل ما يحبه أكتر…يمكن لو كنت اتخلقت كبير من الأول …كان هيفوتك كتير

ضعفك دلوقتي …هو سر بهاءك

كنت بأقول للغربة: ياما ريحتي ناس و ياما تعبتي ناس تانية ، بس ميزتك الوحيدة اللي مايختلفش عليها اتنين إنك ساعات بتخلي البني آدم خفيف ، بتخلي الناس التانية تشتاق له ، محدش بيشتاق غير للحاجة البعيدة ، فيه ناس عاشت و ماتت من غير ما حد يشتاق لها ..!!!

كنت باقول للي يبان من بره غني و شبعان و هو من جوه روحه لسه جعانه : أعرف أميزك من وسط مليون ..تعرف من إيه ؟؟؟ من طريقة معاملتك للي ربنا إداك سلطة عليهم…ساعتها بس بتبان قد ايه أنت روحك لسه جعانه

كنت بأقول للي فاكر نفسه أكبر من أي غلط : مفيش ملايكة على الأرض …مفيش حد كبير على الغلط … بس ادعِ ربنا يسترها عليك .

كنت بأقول لنفسي : مش لازم العمل يكون كبير أوي عشان يبان تأثيره …ساعات تراكم أعمال صغيرة فوق بعضها بيكون تأثيره أكبر بكتير …اتعلمي تعملي أعمال صغيرة …!

 

Advertisements

Responses

  1. حمدالله على السلامة ،

    كلنا بنشترك معاك فى كلامك ،

    كلنا الطفل جوانا ،

    والغربة واجعانة،

    ربنا ما يحكم علينا ابو النفس الجعانة ،

    وكلنا بنى ادم ، وكل بن ادم خطاء،

    اما الاخيره فهى دى الحمكة والقيمة المضافة
    فعلا حاجات صغيرة وكتيرة ومستمرة تعمل تأثثير كبير ،

    فى انتظار المزيد…..

  2. الكتاب المقفول
    أشكرك على متابعتك و تشجعيك الدائم
    في انتظار زيارتك على طول


اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

التصنيفات

%d مدونون معجبون بهذه: