ساعات بتبقى فيه أغاني الواحد بيسمعها كتير و بيدندن بيها من غير ما ياخد باله أوي من معاني كلماتها لكن لما بيقراها بيحس بكلماتها أكتر ، عجبتني أغنية نص حالة لأصالة لما سمعتها و عجبتني أكتر لما قريت كلماتها :
اللي بينا نص حاله
نص للحب اللي يمكن
و نصها التاني استحاله
استحاله نرتبط ابداً ببعض
كل ما نحاول نقرب نلقى بعد
زي ما يكون اللي بينا شيء غريب
لعنة الحب اللي بتزل الحبيب
واللي عشنا العمر نحلم بينه نلاقيه
إنما لابنفهمه ولاحتى دبنا فيه
زي كدبه عايشه جواها الصراحه
نص ضحكه..نص فرحه .. نص راحــه
أنا بئا عجبني محمد رشدي وهو بيقول
ليلة ما جاني الغالي دق عليا الباب أتبسمت أنا زي العادة وقلت يا باب كداب
أصل الغالي كان سالف مني ربع جنية وضارب علية فما صدقت أنة جة يرجعة أتاري المنيل جاي عايز ربع جنية تاني
على فكرة ولا وحشتينا ولا مفتقدينك ولا حاجة ابدا
دة حتى الصيف موسم عرايس البحر بيهجوا من الحر مش بيستخبوا
ولا اية
By: هاني on يونيو 6, 2009
at 12:37 م
هااااااااااااااااااااااااااااااني
ده مش محمد رشدي ، ده كده محمد رضا !!!
على فكرة و لا انتو وحشتوني و لا كل يوم باشوف نط في الكوز و افضل اقراها و اضحك عليها و على التعليقات و لا حاجة برضه
خلاص مش هستخبى تاني ، كان فيه بس نَوْا على الماشي كده و عدت
By: Mermaid on يونيو 6, 2009
at 8:42 م
الاغنيه غير انها جميله معانيها جديده ماحدش اتكلم عنها
By: غير معروف on يونيو 7, 2009
at 2:20 ص
صح ، عشان كده احساس كلامتها مختلف
شكرا على مرورك
By: Mermaid on يونيو 7, 2009
at 7:56 ص
أنا بحسد أصالة عشان عرفت تشخص حالتها ، وفى نفس الوقت عايز أقول “لأصالة” :
اللى بينا حالة تانية
حالة غير كل الحالات
حالة نادرة ، بس قادرة
تمشى عكس عقرب الساعات
سرها فيها ، سر زى سر الحياة
لا عمرى هندم ولاعمرى هتمنى النسيان
اللى بينا صك، وثقة ، وراحة وأمان
اللى بينا صعب على الكلمات تقوله
اللى يبناصعب فى الاحلام تطوله
أهى دى حالتى وده حالى
عاشق ومتعذب وراضى
أصل الحب لا أرادى،،،
By: الكتاب المقفول on يونيو 7, 2009
at 3:51 م
انتى فين
غايبة ليه من زمان ؟
وحشتينا
الاغنية دى كلماتها من اجمل الكلمات
فيها واقعية اوى
بجد معانى جديدة
انا حبيت الاغنية دى من اول مرة سمعتها فيها ودا لانى عادة بهتم اوى بالكلمات ويمكن بتشدنى اكتر من اللحن
مش تغيبى علينا تانى
By: reem on يونيو 7, 2009
at 6:47 م
ريم أنتي زي العسل بجد
أنا زيك برضه الكلمات بتشدني قبل اللحن
انتو وحشتوني اوي الفترة اللي فاتت
By: Mermaid on يونيو 7, 2009
at 7:34 م
اختيار جميل منك
والاغنية دي رائعة
وتعرفي انها شدتني أكتر
لما دخلت فيلم ميكانو
حسيت ان ملامح الاغنية ظهرت بشكل اوضح
وحسيت بيها أكتر
بصراحة الاغنية والفيلم مالهمش حل
تحياتي ليكي عروس البحر
وسوري علي التأخير غيبة امتحانات
By: herisson on يونيو 7, 2009
at 9:39 م
Herisson
للأسف أنا ماشفتش الفيلم ، بس سمعت الأغنية و حسيت كلامها .
أخبار الامتحانات ايه طمنا عليك لما تطلع النتيجة
ربنا معاك
متتأخرش في زيارتك الجاية
عروسة البحر
By: Mermaid on يونيو 7, 2009
at 10:36 م
يا حبيبة قلبي انتى اللى عسولة خالص
وعلى فكرة انا بحب اوى عروس البحر من وانا طفلة وبنتى كمان مبهورة بيها دايما
ميرسي اوى لتشريفك مدونتى المتواضعة
تحياتى لكى ياقمر
By: reem on يونيو 8, 2009
at 3:43 م
وهل لا نجد افتقاد البحر إلا مع مجئ هذا الصيف الخانق؟؟!!
توقيت غيابك صعب
ودوما توقيت أي غياب بمنتهى الصعوبة
أما عن الكلمات
فتعليقي البسيط
“فعلا”
السلام عليكم
By: حائر في دنيا الله on يونيو 10, 2009
at 12:05 ص
حائر في دنيا الله
أشكر لك افتقادك الصادق و الرقيق
كما اشكرك على تعليقك المعبر رغم إيجازه بنبرته المؤكده
و عليكم السلام
By: Mermaid on يونيو 14, 2009
at 11:18 ص